剖析網絡附加儲存(NAS)的需要和應用
今日同大家探討時下大熱既NAS(網絡附加儲存)。
首先大家會問,點解要買哩隻野?
在公司方面,唔係每一間都需要用到Server(伺服器),但總要用到File Share,好多人會用一部個人電腦就當Server用。其實背後有好多問題. 1, 一定要開著哩部個人電腦,十分耗電,而且會拖慢哩部機既工作能力。
2, 無資料保障功能,個人電腦只得一份儲存,即係話哩部機有咩事,就會用唔到D file,重則係無晒D File,對中小企黎講係十分嚴重!
3, 無權限功能,即所有同事都可以共享File,但當中係無私隱和機密性,對公司和客人都無保障。
係個人層面 1, 好多人都有小朋友,在成長或家庭聚會拍了好多照片和影片,儲存量太大,唔知點處理。
2, 配合智能電話,我地想隨時隨地可以拎到屋企既資料、或者想做CAS(Computer As Source)/ Media Center,都需要建立自己既Database
3, 就算無大量既資料,但總有重要,不可失去既資料,就要做備份去保護,以免意外發生。
大家可以睇下自己有無以上既需要,有既話你就要認真認識NAS係甚麼,又考慮下係咪要購買了。

當你決定要買NAS,又會問點樣揀呢?以下有些問題問大家,就會知道你既需要係甚麼,咁就知咩定位既NAS適合自己。
1, 計算現在有既Data同未來兩、三年增長既Data量(幾多T、1T=1000GB),決定你買NAS要幾多Bay,即係最多可以放幾多集硬碟(Hard disk)。基本一定要買2 Bay,資料先至會有保障性。
亦都諗埋買幾多隻幾大容量既硬碟,注意Hard disk容量,因為要有備份功能,計算就唔會係2T + 2T = 4T,視乎你係速度同保障上點樣平衡。
2, 有幾多人會使用NAS,決定揀CPU的速定
Synology有個簡單既問卷幫你揀適合既model,有興趣可以上去試下玩。 http://www.synology.com/zh-tw/support/nas_selector

當你買左NAS之後,實則有咩功能可以用(用途極多,你慢慢發挖下)。
係公司層面 1, 首先係資料既安全性同備份性。NAS壞的機會率比起電腦、伺服器低好多,多數出問題在於Hard disk,但因為有容錯能力,即使有Hard disk壞都唔會即時有破壞或者阻礙工作。
2, NAS同時可以作VPN Server、Mail Server、Print Server,哩D都係十分常用既功能。我特別推介Sales,成日要出街,拎Notebook真係好辛苦,其實只要有部智能電話就可以Link番NAS隨時拎資料、單張俾客。
係屋企層面 1, 上面講過既資料安全性同備份性一樣適用。
2, 係屋企休息,娛樂係其重要既一環。現在無論乜野都係數碼化,音樂用mp3、flac聽,影片用mkv、mp4睇、相片用jpeg、ai睇,只要屋企有wifi配合NAS,你用任何一部流動裝置都可以共享到哩D資源。
3, Download Station都係十分重要,今日有好多娛樂都係上網download,成日開住部電腦電費又貴,NAS就可以幫到你,無論係 BT、FTP、HTTP、NZB 及 eMule ,一律無問題。

講左咁多NAS既野,玩落先係最實際,大家可以上去睇下NAS係咩東東。
Synology DSM 線上體驗 http://demo.synology.com:5000/
帳號:admin 密碼:synology

[Share To Facebook]
|